27.5-M Pinoy walang sariling Banyo
Lumabas sa pag-aaral na may pamagat na “Economic Impact of Sanitation in the Philippines” na pinondohan ng World Bank’s Water and Sanitation Program ng United States Agency for International Development (USAID), natuklasan din na 13 milyon Pinoy ang walang access sa malinis na tubig.
Ayon kay Sen. Santiago, maliwanag na ginagarantiyahan ng Konstitusyon na dapat protektahan ng gobyerno ang kalusugan ng mga mamamayan.
Base sa pag-aaral, 3.3% ng mga Filipino houses ay konektado sa mga sewers na bumabagsak naman sa mga treatment facilities samantalang 95% ng mga liquid waste ay dumidiretso sa mga ilog at dagat na nagiging sanhi ng matinding polusyon.
Dahil sa maruming kapaligiran at substandard waste facilities, 38 milyon katao sa Pilipinas ang nakakaranas ng diarrhea taun-taon na nagiging sanhi ng kamatayan ng nasa 11,338 na karamihan ay mga bata.
Isiniwalat naman ng Department of Health at Department of Environment and Natural Resources na ang mga “water-borne diseases” ay ginagastusan ng gobyerno ng P77.8 billion per year kasama na ang premature deaths, health-care expenses, lost wages at matinding impact sa environment.
Dahil sa maruming sanitasyon sa bansa, naaapektuhan din umano ang pagpasok ng turismo na makakatulong sana sa patuloy na pag-angat ng ekonomiya.
Ayon sa World Bank at USAID, na nakakaalarma na ang problema ng hygiene at sanitation kaya sinabi ni Santiago na panahon na upang magpasa ng batas ang Kongreso upang maayos ang nasabing problema.
(galing sa Pilipino Star Ngayon)
